چین کے صوبہ ہونان سے تعلق رکھنے والی 92 سالہ بزرگ خاتون لی آج بھی اس عمر میں ورزش کا شوق رکھتی ہیں۔
انہوں نے یہ ثابت کیا ہے کہ فٹنس کے معاملے میں عمر صرف ایک عدد ہے۔ وہ اپنی صبح کا آغاز 200 پُش اپس، 100 سِٹ اپس اور ہُولا ہوپ کو خاص طور پر اپنی کمر کے گرد گھمانے سے کرتی ہیں۔
لی نے نظم و ضبط، زندگی سے بھرپور انداز اور قدرتی طریقوں کو ملا کر بڑھاپے میں جسمانی اور ذہنی صحت کے بارے میں ہمارا نظریہ بدل کر رکھ دیا ہے۔
چینی میڈیا کے مطابق، 92 سالہ لی ایک غیر معمولی حد تک سخت ورزش کا معمول اپنائے ہوئے ہیں۔ یہ اتنا مشکل ہے کہ 20 یا 30 سال کے لوگ بھی اسے کرنا مشکل سمجھیں گے۔
لی نے تسلیم کیا کہ ان کی پُش اپ کی تکنیک مکمل طور پر درست نہیں، مگر ان کی مستقل مزاجی ہی ان کی کامیابی کی کنجی ہے۔ انہوں نے پُر اعتماد انداز میں کہا کہ چاہے اُن کے پُش اپس مثالی نہ ہوں، مگر وہ روزانہ 200 پُش اپس کرنا نہیں چھوڑتیں۔
وہ ہونان کے جیانگ ہوا یاو خودمختار کاؤنٹی میں رہتی ہیں، جہاں مسلسل بارش کے باعث ان کی بیرونی سرگرمیاں محدود ہو گئی ہیں۔ اس لیے انہوں نے گھر کے اندر ورزش کی جگہ بنا لی ہے، جہاں وہ بستر پر سِٹ اپس اور فرش پر پُش اپس کرتی ہیں۔ وہ اپنی بنیادی طاقت اور ہم آہنگی بہتر بنانے کے لیے ہُولا ہوپ بھی استعمال کرتی ہیں۔
لی کی ورزش کا معمول یہیں ختم نہیں ہوتا۔ سخت ورزش کے بعد، وہ رات کو اپنے پاؤں گرم پانی میں بھگوتی ہیں تاکہ ٹانگوں کے درد سے راحت ملے۔ ان کے مطابق، اس سے بہت فرق پڑتا ہے۔
انہوں نے بتایا کہ اس منظم طرز زندگی کی وجہ سے انہوں نے محسوس کیا کہ ان کے بال، جو مکمل سفید ہو چکے تھے، دوبارہ قدرتی طور پر کالے ہونا شروع ہو گئے ہیں۔
