پاکستان انٹرنیشنل ایئرلائنز (پی آئی اے) کی پرواز PK-859، جو لاہور سے جدہ کے لیے روانہ ہوئی تھی، دورانِ پرواز ایک پرندے سے ٹکرا گئی، جس کے نتیجے میں مسافروں اور عملے کی حفاظت کے پیش نظر جہاز کو فوری طور پر کراچی کے جناح انٹرنیشنل ایئرپورٹ پر محفوظ طریقے سے لینڈ کروایا گیا۔
جہاز کی ونڈ اسکرین پرندے سے ٹکرانے کے باعث شدید نقصان زدہ ہو گئی تھی، اور جہاز کو مکمل طور پر محفوظ اور پرواز کے قابل بنانے کے لیے اس کی مرمت مکمل کرنے میں تقریباً 12 گھنٹے لگنے کا امکان ہے۔
ذرائع کے مطابق پرواز میں کل 344 مسافر سوار تھے، اور ان سب کو ہوٹل میں منتقل کر کے ان کی تمام ضروریات کا خیال رکھا گیا ہے۔
