image/svg+xml Openclipart Contact
No Result
View All Result

حسرت دید میں گزراں ہیں زمانے کب سے
فیض احمد فیض

حسرت دید میں گزراں ہیں زمانے کب سے

دشت امید میں گرداں ہیں دوانے کب سے

دیر سے آنکھ پہ اترا نہیں اشکوں کا عذاب

اپنے ذمے ہے ترا قرض نہ جانے کب سے

کس طرح پاک ہو بے آرزو لمحوں کا حساب

درد آیا نہیں دربار سجانے کب سے

سر کرو ساز کہ چھیڑیں کوئی دل سوز غزل

ڈھونڈتا ہے دل شوریدہ بہانے کب سے

پر کرو جام کہ شاید ہو اسی لحظہ رواں

روک رکھا ہے جو اک تیر قضا نے کب سے

فیضؔ پھر کب کسی مقتل میں کریں گے آباد

لب پہ ویراں ہیں شہیدوں کے فسانے کب سے

Pakistanify News Subscription

X

© 2024 Pakistanify Media - Navigating The World of Information