image/svg+xml Openclipart Contact
No Result
View All Result

پردے میں لاکھ پھر بھی نمودار کون ہے
امجد اسلام امجد

پردے میں لاکھ پھر بھی نمودار کون ہے

ہے جس کے دم سے گرمئ بازار کون ہے

وہ سامنے ہے پھر بھی دکھائی نہ دے سکے

میرے اور اس کے بیچ یہ دیوار کون ہے

باغ وفا میں ہو نہیں سکتا یہ فیصلہ

صیاد یاں پہ کون گرفتار کون ہے

مانا نظر کے سامنے ہے بے شمار دھند

ہے دیکھنا کہ دھند کے اس پار کون ہے

کچھ بھی نہیں ہے پاس پہ رہتا ہے پھر بھی خوش

سب کچھ ہے جس کے پاس وہ بیزار کون ہے

یوں تو دکھائی دیتے ہیں اسرار ہر طرف

کھلتا نہیں کہ صاحب اسرار کون ہے

امجدؔ الگ سی آپ نے کھولی ہے جو دکاں

جنس ہنر کا یاں یہ خریدار کون ہے

Pakistanify News Subscription

X

© 2024 Pakistanify Media - Navigating The World of Information