image/svg+xml Openclipart Contact
No Result
View All Result

پسپا ہوئی سپاہ تو پرچم بھی ہم ہی تھے
امجد اسلام امجد

پسپا ہوئی سپاہ تو پرچم بھی ہم ہی تھے

حیرت کی بات یہ ہے کہ برہم بھی ہم ہی تھے

گرنے لگے جو سوکھ کے پتے تو یہ کھلا

گلشن تھے ہم جو آپ تو موسم بھی ہم ہی تھے

ہم ہی تھے تیرے وصل سے محروم عمر بھر

لیکن تیرے جمال کے محرم بھی ہم ہی تھے

منزل کی بے رخی کے گلہ مند تھے ہمیں

ہر راستے میں سنگ مجسم بھی ہم ہی تھے

اپنی ہی آستیں میں تھا خنجر چھپا ہوا

امجدؔ ہر ایک زخم کا مرہم بھی ہم ہی تھے

Pakistanify News Subscription

X

© 2024 Pakistanify Media - Navigating The World of Information