image/svg+xml Openclipart Contact
No Result
View All Result

کھلے گی اس نظر پہ چشم تر آہستہ آہستہ
پروین شاکر

کھلے گی اس نظر پہ چشم تر آہستہ آہستہ

کیا جاتا ہے پانی میں سفر آہستہ آہستہ

کوئی زنجیر پھر واپس وہیں پر لے کے آتی ہے

کٹھن ہو راہ تو چھٹتا ہے گھر آہستہ آہستہ

بدل دینا ہے رستہ یا کہیں پر بیٹھ جانا ہے

کہ تھکتا جا رہا ہے ہم سفر آہستہ آہستہ

خلش کے ساتھ اس دل سے نہ میری جاں نکل جائے

کھنچے تیر شناسائی مگر آہستہ آہستہ

ہوا سے سرکشی میں پھول کا اپنا زیاں دیکھا

سو جھکتا جا رہا ہے اب یہ سر آہستہ آہستہ

مری شعلہ مزاجی کو وہ جنگل کیسے راس آئے

ہوا بھی سانس لیتی ہو جدھر آہستہ آہستہ

Pakistanify News Subscription

X

© 2024 Pakistanify Media - Navigating The World of Information