image/svg+xml Openclipart Contact
No Result
View All Result

کیا یہ بھی میں بتلا دوں تو کون ہے میں کیا ہوں
بہزاد لکھنوی

کیا یہ بھی میں بتلا دوں تو کون ہے میں کیا ہوں

تو جان تماشا ہے میں محو تماشا ہوں

تو باعث ہستی ہے میں حاصل ہستی ہوں

تو خالق الفت ہے اور میں ترا بندہ ہوں

جب تک نہ ملا تھا تو اے فتنۂ دو عالم

جب درد سے غافل تھا اب درد کی دنیا ہوں

کچھ فرق نہیں تجھ میں اور مجھ میں کوئی لیکن

تو اور کسی کا ہے بے درد میں تیرا ہوں

مدت ہوئی کھو بیٹھا سرمایۂ تسکیں میں

اب تو تری فرقت میں دن رات تڑپتا ہوں

ارمان نہیں کوئی گو دل میں مرے لیکن

اللہ ری مجبوری مجبور تمنا ہوں

بہزادؔ حزیں مجھ پر اک کیف سا طاری ہے

اب یہ مرا عالم ہے ہنستا ہوں نہ روتا ہوں

Pakistanify News Subscription

X

© 2024 Pakistanify Media - Navigating The World of Information