image/svg+xml Openclipart Contact
No Result
View All Result

ہونا ہی کیا ضرور تھے یہ دو جہاں ہیں کیوں
بہزاد لکھنوی

ہونا ہی کیا ضرور تھے یہ دو جہاں ہیں کیوں

اللہ اک فریب میں کون و مکاں ہیں کیوں

سنتے ہیں ایک درد تو اٹھتا ہے بار بار

اس کی خبر نہیں ہے کہ آنسو رواں ہیں کیوں

ان بے نیازیوں میں بھی شان نیاز ہے

سجدے نہیں پسند تو پھر آستاں ہیں کیوں

جس گلستاں میں روز تڑپتی ہیں بجلیاں

یا رب اسی چمن میں یہ پھر آشیاں ہیں کیوں

اس کا ہمیں ملال ہے ہم کیوں بدل گئے

اس کا نہیں ملال کہ وہ بد گماں ہیں کیوں

جب دل نہیں رہا تو تمنا کا کام کیا

جب کارواں نہیں تو پس کارواں ہیں کیوں

بہزادؔ ان کے ہجر میں گھبرا رہا ہے دل

اب کیا کہیں کسی سے کہ بس خانماں ہیں کیوں

Pakistanify News Subscription

X

© 2024 Pakistanify Media - Navigating The World of Information