image/svg+xml Openclipart Contact
No Result
View All Result

آہ اثر ہو گئی تو کیا ہوگا
بہزاد لکھنوی

آہ اثر ہو گئی تو کیا ہوگا

بے اثر ہو گئی تو کیا ہوگا

شام غم آ چلے تصور میں

اب سحر ہو گئی تو کیا ہوگا

وہ نظر جس کو ہے خبر میری

بے خبر ہو گئی تو کیا ہوگا

داستاں عشق کی طویل تو ہے

مختصر ہو گئی تو کیا ہوگا

شب نہ کاٹے کٹی تو ہوگا کیا

اور بسر ہو گئی تو کیا ہوگا

آہ گو دل سے ہم نہیں کرتے

کارگر ہو گئی تو کیا ہوگا

روبرو ان کے چپ تو ہوں بہزادؔ

آنکھ تر ہو گئی تو کیا ہوگا

Pakistanify News Subscription

X

© 2024 Pakistanify Media - Navigating The World of Information