بھول شاید بہت بڑی کر لی
بھول شاید بہت بڑی کر لی
ہم نے دنیا سے دوستی کر لی
تم محبت کو کھیل کہتے ہو
ہم نے برباد زندگی کر لی
شب کی نظریں بچا کے دیکھ لیا
آنکھوں آنکھوں میں بات بھی کر لی
عاشقی میں بہت ضروری ہے
بے وفائی کبھی کبھی کر لی
ہم نہیں جانتے چراغوں نے
کیوں اندھیروں سے دوستی کر لی
دھڑکنیں دفن ہو گئی ہوں گی
دل میں دیوار کیوں کھڑی کر لی
© 2025 Pakistanify Media - Navigating The World of Information
X
Language mode
- تازہ ترین خبریں
