آس ہوگی نہ آسرا ہوگا
آس ہوگی نہ آسرا ہوگا
آنے والے دنوں میں کیا ہوگا
میں تجھے بھول جاؤں گا اک دن
وقت سب کچھ بدل چکا ہوگا
نام ہم نے لکھا تھا آنکھوں میں
آنسوؤں نے مٹا دیا ہوگا
کتنا دشوار تھا سفر اس کا
وہ سر شام سو گیا ہوگا
پت جھڑوں کی کہانیاں پڑھنا
سارا منظر کتاب سا ہوگا
آسماں بھر گیا پرندوں سے
پیڑ کوئی ہرا گرا ہوگا
© 2025 Pakistanify Media - Navigating The World of Information
X
Language mode
- تازہ ترین خبریں
