میرا اس سے وعدہ تھا گھر رہنے کا
میرا اس سے وعدہ تھا گھر رہنے کا
اپنی چھت کے نیچے دکھ سکھ سہنے کا
بارش بارش کچی قبر کا گھلنا ہے
جاں لیوا احساس اکیلے رہنے کا
اب کے آنسو آنکھوں سے دل میں اترے
رخ بدلا دریا نے کیسا بہنے کا
ہجر وصال کے سارے قصے جھوٹے ہیں
حق ملتا ہے کس کو اپنا کہنے کا
جگ مگ جگ مگ میرے جیسی آنکھوں میں
ایک عجیب غبار حویلی ڈھہنے کا
© 2025 Pakistanify Media - Navigating The World of Information
X
Language mode
- تازہ ترین خبریں
