سنہرے سنہرے پروں والے بادل (ردیف .. ے)
سنہرے سنہرے پروں والے بادل
کھلے گیسوؤں کی مہک لے اڑیں گے
کبھی سبز ساون کبھی زرد جاڑے
درختوں کے کپڑے بدلتے رہیں گے
جنہیں روشنی کا بدن اوڑھنا ہے
وہ کہرے کی چادر لپیٹے ملیں گے
وسیلہ ہے انسان رازق خدا ہے
جو در بند ہوں گے دریچے کھلیں گے
ازل سے ابد تک سفر ہی سفر ہے
مسافر ہیں سب لوگ چلتے رہیں گے
© 2025 Pakistanify Media - Navigating The World of Information
X
Language mode
- تازہ ترین خبریں
