image/svg+xml Openclipart Contact
No Result
View All Result

ہم رہے پر نہیں رہے آباد
جون ایلیا

ہم رہے پر نہیں رہے آباد

یاد کے گھر نہیں رہے آباد

کتنی آنکھیں ہوئیں ہلاک نظر

کتنے منظر نہیں رہے آباد

ہم کہ اے دل سخن تھے سر تا پا

ہم لبوں پر نہیں رہے آباد

شہر دل میں عجب محلے تھے

ان میں اکثر نہیں رہے آباد

جانے کیا واقعہ ہوا کیوں لوگ

اپنے اندر نہیں رہے آباد

Pakistanify News Subscription

X

© 2024 Pakistanify Media - Navigating The World of Information