image/svg+xml Openclipart Contact
No Result
View All Result

شکوہ اول تو بے حساب کیا
جون ایلیا

شکوہ اول تو بے حساب کیا

اور پھر بند ہی یہ باب کیا

جانتے تھے بدی عوام جسے

ہم نے اس سے بھی اجتناب کیا

تھی کسی شخص کی تلاش مجھے

میں نے خود کو ہی انتخاب کیا

اک طرف میں ہوں اک طرف تم ہو

جانے کس نے کسے خراب کیا

آخر اب کس کی بات مانوں میں

جو ملا اس نے لا جواب کیا

یوں سمجھ تجھ کو مضطرب پا کر

میں نے اظہار اضطراب کیا

Pakistanify News Subscription

X

© 2024 Pakistanify Media - Navigating The World of Information