image/svg+xml Openclipart Contact
No Result
View All Result

گلے ملا نہ کبھی چاند بخت ایسا تھا
شکیب جلالی

گلے ملا نہ کبھی چاند بخت ایسا تھا

ہرا بھرا بدن اپنا درخت ایسا تھا

ستارے سسکیاں بھرتے تھے اوس روتی تھی

فسانۂ جگر لخت لخت ایسا تھا

ذرا نہ موم ہوا پیار کی حرارت سے

چٹخ کے ٹوٹ گیا دل کا سخت ایسا تھا

یہ اور بات کہ وہ لب تھے پھول سے نازک

کوئی نہ سہہ سکے لہجہ کرخت ایسا تھا

کہاں کی سیر نہ کی توسن تخیل پر

ہمیں تو یہ بھی سلیماں کے تخت ایسا تھا

ادھر سے گزرا تھا ملک سخن کا شہزادہ

کوئی نہ جان سکا ساز و رخت ایسا تھا

Pakistanify News Subscription

X

© 2024 Pakistanify Media - Navigating The World of Information