image/svg+xml Openclipart Contact
No Result
View All Result

موج صبا رواں ہوئی رقص جنوں بھی چاہئے
شکیب جلالی

موج صبا رواں ہوئی رقص جنوں بھی چاہئے

خیمۂ گل کے پاس ہی دجلۂ خوں بھی چاہئے

کشمکش حیات ہے سادہ دلوں کی بات ہے

خواہش مرگ بھی نہیں زہر سکوں بھی چاہئے

ضرب خیال سے کہاں ٹوٹ سکیں گی بیڑیاں

فکر چمن کے ہم رکاب جوش جنوں بھی چاہئے

نغمۂ شوق خوب تھا ایک کمی ہے مطربہ

شعلۂ لب کی خیر ہو سوز دروں بھی چاہئے

اتنا کرم تو کیجیے بجھتا کنول نہ دیجیے

زخم جگر کے ساتھ ہی درد فزوں بھی چاہئے

دیکھیے ہم کو غور سے پوچھئے اہل جور سے

روح جمیل کے لیے حال زبوں بھی چاہئے

Pakistanify News Subscription

X

© 2024 Pakistanify Media - Navigating The World of Information