یہ جو ہے حکم مرے پاس نہ آئے کوئی
داغؔ دہلوی

یہ جو ہے حکم مرے پاس نہ آئے کوئی

اس لیے روٹھ رہے ہیں کہ منائے کوئی

تاک میں ہے نگہ شوق خدا خیر کرے

سامنے سے مرے بچتا ہوا جائے کوئی

وعدۂ وصل اسے جان کے خوش ہو جاؤں

وقت رخصت بھی اگر ہاتھ ملائے کوئی

سرد مہری سے زمانے کی ہوا ہے دل سرد

رکھ کر اس چیز کو کیا آگ لگائے کوئی

آپ نے داغؔ کو منہ بھی نہ لگایا افسوس

اس کو رکھتا تھا کلیجہ سے لگائے کوئی

کراچی یونیورسٹی کیمپس بس نے دوسری سال کی طالبہ کو ٹکر مار دی، جس کے نتیجے میں اس کی موت ہو گئی۔