وصل کی آرزو کئے نہ بنی
وصل کی آرزو کئے نہ بنی
نہ بنی جستجو کئے نہ بنی
شوق نے ہم کلام کر ہی دیا
ان سے بے گفتگو کئے نہ بنی
جب رکا خون بن گئی دم پر
چاک دل کو رفو کئے نہ بنی
ذلت عشق ہے وہاں عزت
شکوۂ آبرو کئے نہ بنی
پاک ہونا ہے رند کو لازم
مے کشی بے وضو کئے نہ بنی
قتل ٹھہرا جو شیوۂ معشوق
ہمیں دل کو لہو کئے نہ بنی
اس کی تصویر سے بھی تھا یہ خوف
داغؔ کو گفتگو کئے نہ بنی
© 2025 Pakistanify Media - Navigating The World of Information
X
Language mode
- تازہ ترین خبریں
