موت اک گیت رات گاتی تھی
فراق گورکھپوری

موت اک گیت رات گاتی تھی

زندگی جھوم جھوم جاتی تھی

کبھی دیوانہ رو بھی پڑتے تھے

کبھی تیری بھی یاد آتی تھی

ذکر تھا رنگ و بو کا اور دل میں

تیری تصویر اترتی جاتی تھی

تھے نہ افلاک گوش بر آواز

بے خودی داستاں سناتی تھی

جلوہ گر ہو رہا تھا کوئی ادھر

دھوپ ادھر پھیکی پڑتی جاتی تھی

ہمہ تن گوش زندگی تھی فراقؔ

موت دھیمے سروں میں گاتی تھی

سیلاب کی شدت کم ہو گئی ہے، اب یہ بحیرہ عرب کی طرف بڑھ رہا ہے۔