image/svg+xml Openclipart Contact
No Result
View All Result

منہ تکا ہی کرے ہے جس تس کا
میر تقی میر

منہ تکا ہی کرے ہے جس تس کا

حیرتی ہے یہ آئینہ کس کا

شام سے کچھ بجھا سا رہتا ہوں

دل ہوا ہے چراغ مفلس کا

تھے برے مغبچوں کے تیور لیک

شیخ مے خانے سے بھلا کھسکا

داغ آنکھوں سے کھل رہے ہیں سب

ہاتھ دستہ ہوا ہے نرگس کا

بحر کم ظرف ہے بسان حباب

کاسہ لیس اب ہوا ہے تو جس کا

فیض اے ابر چشم تر سے اٹھا

آج دامن وسیع ہے اس کا

تاب کس کو جو حال میرؔ سنے

حال ہی اور کچھ ہے مجلس کا

Pakistanify News Subscription

X

© 2024 Pakistanify Media - Navigating The World of Information