image/svg+xml Openclipart Contact
No Result
View All Result

جو تو ہی صنم ہم سے بے زار ہوگا
میر تقی میر

جو تو ہی صنم ہم سے بے زار ہوگا

تو جینا ہمیں اپنا دشوار ہوگا

غم ہجر رکھے گا بے تاب دل کو

ہمیں کڑھتے کڑھتے کچھ آزار ہوگا

جو افراط الفت ہے ایسا تو عاشق

کوئی دن میں برسوں کا بیمار ہوگا

اچٹتی ملاقات کب تک رہے گی

کبھو تو تہ دل سے بھی یار ہوگا

تجھے دیکھ کر لگ گیا دل نہ جانا

کہ اس سنگ دل سے ہمیں پیار ہوگا

لگا کرنے ہجران سختی سے سختی

خدا جانے کیا آخر کار ہوگا

یہی ہوگا کیا ہوگا میرؔ ہی نہ ہوں گے

جو تو ہوگا بے یار غم خوار ہوگا

Pakistanify News Subscription

X

© 2024 Pakistanify Media - Navigating The World of Information