image/svg+xml Openclipart Contact
No Result
View All Result

غزل میرؔ کی کب پڑھائی نہیں
میر تقی میر

غزل میرؔ کی کب پڑھائی نہیں

کہ حالت مجھے غش کی آئی نہیں

زباں سے ہماری ہے صیاد خوش

ہمیں اب امید رہائی نہیں

کتابت گئی کب کہ اس شوخ نے

بنا اس کی گڈی اڑائی نہیں

نسیم آئی میرے قفس میں عبث

گلستاں سے دو پھول لائی نہیں

مری دل لگی اس کے رو سے ہی ہے

گل تر سے کچھ آشنائی نہیں

نوشتے کی خوبی لکھی کب گئی

کتابت بھی ایک اب تک آئی نہیں

جدا رہتے برسوں ہوئے کیونکہ یہ

کنایہ نہیں بے ادائی نہیں

گلہ ہجر کا سن کے کہنے لگا

ہمارے تمہارے جدائی نہیں

سیہ طالعی میری ظاہر ہے اب

نہیں شب کہ اس سے لڑائی نہیں

Pakistanify News Subscription

X

© 2024 Pakistanify Media - Navigating The World of Information