image/svg+xml Openclipart Contact
No Result
View All Result

ڈھب ہیں تیرے سے باغ میں گل کے
میر تقی میر

ڈھب ہیں تیرے سے باغ میں گل کے

بو گئی کچھ دماغ میں گل کے

جائے روغن دیا کرے ہے عشق

خون بلبل چراغ میں گل کے

دل تسلی نہیں صبا ورنہ

جلوے سب ہیں گے داغ میں گل کے

اس حدیقے کے عیش پر مت جا

مے نہیں ہے ایاغ میں گل کے

سیر کر میرؔ اس چمن کی شتاب

ہے خزاں بھی سراغ میں گل کے

Pakistanify News Subscription

X

© 2024 Pakistanify Media - Navigating The World of Information