image/svg+xml Openclipart Contact
No Result
View All Result

دل و دماغ ہے اب کس کو زندگانی کا
میر تقی میر

دل و دماغ ہے اب کس کو زندگانی کا

جو کوئی دم ہے تو افسوس ہے جوانی کا

اگرچہ عمر کے دس دن یہ لب رہے خاموش

سخن رہے گا سدا میری کم زبانی کا

سبک ہے آوے جو مندیل رکھ نماز کو شیخ

رہا ہے کون سا اب وقت سرگرانی کا

ہزار جان سے قربان بے پری کے ہیں

خیال بھی کبھو گزرا نہ پرفشانی کا

پھرے ہے کھینچے ہی تلوار مجھ پہ ہر دم تو

کہ صید ہوں میں تری دشمنی جانی کا

نمود کر کے وہیں بحر غم میں بیٹھ گیا

کہے تو میرؔ بھی اک بلبلا تھا پانی کا

Pakistanify News Subscription

X

© 2024 Pakistanify Media - Navigating The World of Information