image/svg+xml Openclipart Contact
No Result
View All Result

بغیر دل کہ یہ قیمت ہے سارے عالم کی
میر تقی میر

بغیر دل کہ یہ قیمت ہے سارے عالم کی

کسو سے کام نہیں رکھتی جنس آدم کی

کوئی ہو محرم شوخی ترا تو میں پوچھوں

کہ بزم عیش جہاں کیا سمجھ کے برہم کی

ہمیں تو باغ کی تکلیف سے معاف رکھو

کہ سیر و گشت نہیں رسم اہل ماتم کی

تنک تو لطف سے کچھ کہہ کہ جاں بہ لب ہوں میں

رہی ہے بات مری جان اب کوئی دم کی

گزرنے کو تو کج و واکج اپنی گزرے ہے

جفا جو ان نے بہت کی تو کچھ وفا کم کی

گھرے ہیں درد و الم میں فراق کے ایسے

کہ صبح عید بھی یاں شام ہے محرم کی

قفس میں میرؔ نہیں جوش داغ سینے پر

ہوس نکالی ہے ہم نے بھی گل کے موسم کی

Pakistanify News Subscription

X

© 2024 Pakistanify Media - Navigating The World of Information