image/svg+xml Openclipart Contact
No Result
View All Result

ہو عاجز کہ جسم اس قدر زور سے
میر تقی میر

ہو عاجز کہ جسم اس قدر زور سے

نہ نکلا کبھو عہدۂ مور سے

بہت دور کوئی رہا ہے مگر

کہ فریاد میں ہے جرس شور سے

مری خاک تفتہ پر اے ابر تر

قسم ہے تجھے ٹک برس زور سے

ترے دل جلے کو رکھا جس گھڑی

دھواں سا اٹھا کچھ لب گور سے

نہ پوچھو کہ بے اعتباری سے میں

ہوا اس گلی میں بتر چور سے

نہیں سوجھتا کچھ جو اس بن ہمیں

بغیر اس کے رہتے ہیں ہم کور سے

جو ہو میرؔ بھی اس گلی میں صبا

بہت پوچھیو تو مری اور سے

Pakistanify News Subscription

X

© 2024 Pakistanify Media - Navigating The World of Information