image/svg+xml Openclipart Contact
No Result
View All Result

شش جہت سے اس میں ظالم بوئے خوں کی راہ ہے
میر تقی میر

شش جہت سے اس میں ظالم بوئے خوں کی راہ ہے

تیرا کوچہ ہم سے تو کہہ کس کی بسمل گاہ ہے

ایک نبھنے کا نہیں مژگاں تلک بوجھل ہیں سب

کارواں لخت دل ہر اشک کے ہم راہ ہے

ہم جوانوں کو نہ چھوڑا اس سے سب پکڑے گئے

یہ دو سالہ دختر رز کس قدر شتاہ ہے

پا برہنہ خاک سر میں مو پریشاں سینہ چاک

حال میرا دیکھنے آ تیرے ہی دل خواہ ہے

اس جنوں پر میرؔ کوئی بھی پھرے ہے شہر میں

جادۂ صحرا سے کر سازش جو تجھ سے راہ ہے

Pakistanify News Subscription

X

© 2024 Pakistanify Media - Navigating The World of Information