image/svg+xml Openclipart Contact
No Result
View All Result

عشق منت کش قرار نہیں
فیض احمد فیض

عشق منت کش قرار نہیں

حسن مجبور انتظار نہیں

تیری رنجش کی انتہا معلوم

حسرتوں کا مری شمار نہیں

اپنی نظریں بکھیر دے ساقی

مے بہ اندازۂ خمار نہیں

زیر لب ہے ابھی تبسم دوست

منتشر جلوۂ بہار نہیں

اپنی تکمیل کر رہا ہوں میں

ورنہ تجھ سے تو مجھ کو پیار نہیں

چارۂ انتظار کون کرے

تیری نفرت بھی استوار نہیں

فیضؔ زندہ رہیں وہ ہیں تو سہی

کیا ہوا گر وفا شعار نہیں

Pakistanify News Subscription

X

© 2024 Pakistanify Media - Navigating The World of Information