image/svg+xml Openclipart Contact
No Result
View All Result

حسن مرہون جوش بادۂ ناز
فیض احمد فیض

حسن مرہون جوش بادۂ ناز

عشق منت کش فسون نیاز

دل کا ہر تار لرزش پیہم

جاں کا ہر رشتہ وقف سوز و گداز

سوزش درد دل کسے معلوم

کون جانے کسی کے عشق کا راز

میری خاموشیوں میں لرزاں ہے

میرے نالوں کی گم شدہ آواز

ہو چکا عشق اب ہوس ہی سہی

کیا کریں فرض ہے ادائے نماز

تو ہے اور اک تغافل پیہم

میں ہوں اور انتظار بے انداز

خوف ناکامئ امید ہے فیضؔ

ورنہ دل توڑ دے طلسم مجاز

Pakistanify News Subscription

X

© 2024 Pakistanify Media - Navigating The World of Information