image/svg+xml Openclipart Contact
No Result
View All Result

صفاۓ حیرت آئینہ ہے سامان زنگ آخر
مرزا غالب

صفاۓ حیرت آئینہ ہے سامان زنگ آخر

تغیر آب بر جا ماندہ کا پاتا ہے رنگ آخر

نہ کی سامان عیش و جاہ نے تدبیر وحشت کی

ہوا جام زمرد بھی مجھے داغ پلنگ آخر

خط نوخیز نیل چشم زخم صافیٔ عارض

لیا آئینہ نے حرز پر طوطی بچنگ آخر

ہلال آسا تہی رہ گر کشادن ہائے دل چاہے

ہوا مہ کثرت سرمایہ اندوزی سے تنگ آخر

تڑپ کر مر گیا وہ صید بال افشاں کہ مضطر تھا

ہوا ناسور چشم تعزیت چشم خدنگ آخر

لکھی یاروں کی بد مستی نے میخانے کی پامالی

ہوئی قطرہ فشانی ہائے مے باران سنگ آخر

اسدؔ پردے میں بھی آہنگ شوق یار قائم ہے

نہیں ہے نغمے سے خالی خمیدن ہائے چنگ آخر

Pakistanify News Subscription

X

© 2024 Pakistanify Media - Navigating The World of Information