image/svg+xml Openclipart Contact
No Result
View All Result

خموشیوں میں تماشا ادا نکلتی ہے
مرزا غالب

خموشیوں میں تماشا ادا نکلتی ہے

نگاہ دل سے ترے سرمہ سا نکلتی ہے

فشار تنگی خلوت سے بنتی ہے شبنم

صبا جو غنچے کے پردے میں جا نکلتی ہے

نہ پوچھ سینۂ عاشق سے آب تیغ نگاہ

کہ زخم روزن در سے ہوا نکلتی ہے

بہ رنگ شیشہ ہوں یک گوشۂ دل خالی

کبھی پری مری خلوت میں آ نکلتی ہے

بحلقۂ خم گیسو ہے راستی آموز

دہان مار سے گویا صبا نکلتی ہے

اسد کو حسرت عرض نیاز تھی دم قتل

ہنوز یک سخن بے صدا نکلتی ہے

Pakistanify News Subscription

X

© 2024 Pakistanify Media - Navigating The World of Information