image/svg+xml Openclipart Contact
No Result
View All Result

نہ ہوگا یک بیاباں ماندگی سے ذوق کم میرا
مرزا غالب

نہ ہوگا یک بیاباں ماندگی سے ذوق کم میرا

حباب موجۂ رفتار ہے نقش قدم میرا

محبت تھی چمن سے لیکن اب یہ بے دماغی ہے

کہ موج بوئے گل سے ناک میں آتا ہے دم میرا

رہ خوابیدہ تھی گردن کش یک درس آگاہی

زمیں کو سیلئ استاد ہے نقش قدم میرا

سراغ آوارۂ عرض دو عالم شور محشر ہوں

پرافشاں ہے غبار آں سوئے صحرائے عدم میرا

ہوائے صبح یک عالم گریباں چاکی گل ہے

دہان زخم پیدا کر اگر کھاتا ہے غم میرا

نہ ہو وحشت کش درس سراب سطر آگاہی

میں گرد راہ ہوں بے مدعا ہے پیچ و خم میرا

اسدؔ وحشت پرست گوشۂ تنہائی دل ہے

برنگ موج مے خمیازۂ ساغر ہے رم میرا

Pakistanify News Subscription

X

© 2024 Pakistanify Media - Navigating The World of Information