image/svg+xml Openclipart Contact
No Result
View All Result

عشق تاثیر سے نومید نہیں
مرزا غالب

عشق تاثیر سے نومید نہیں

جاں سپاری شجر بید نہیں

سلطنت دست بدست آئی ہے

جام مے خاتم جمشید نہیں

ہے تجلی تری سامان وجود

ذرہ بے پرتو خورشید نہیں

راز معشوق نہ رسوا ہو جائے

ورنہ مر جانے میں کچھ بھید نہیں

گردش رنگ طرب سے ڈر ہے

غم محرومئ جاوید نہیں

کہتے ہیں جیتے ہیں امید پہ لوگ

ہم کو جینے کی بھی امید نہیں

Pakistanify News Subscription

X

© 2024 Pakistanify Media - Navigating The World of Information