image/svg+xml Openclipart Contact
No Result
View All Result

فریاد کی کوئی لے نہیں ہے
مرزا غالب

فریاد کی کوئی لے نہیں ہے

نالہ پابند نے نہیں ہے

کیوں بوتے ہیں باغبان تونبے

گر باغ گدائے مے نہیں ہے

ہر چند ہر ایک شے میں تو ہے

پر تجھ سی کوئی شے نہیں ہے

ہاں کھائیو مت فریب ہستی

ہر چند کہیں کہ ہے نہیں ہے

شادی سے گزر کہ غم نہ ہووے

اردی جو نہ ہو تو دے نہیں ہے

کیوں رد قدح کرے ہے زاہد

مے ہے یہ مگس کی قے نہیں ہے

ہستی ہے نہ کچھ عدم ہے غالبؔ

آخر تو کیا ہے اے نہیں ہے

Pakistanify News Subscription

X

© 2024 Pakistanify Media - Navigating The World of Information