محبت سے عنایت سے وفا سے چوٹ لگتی ہے
بشیر بدر

محبت سے عنایت سے وفا سے چوٹ لگتی ہے

بکھرتا پھول ہوں مجھ کو ہوا سے چوٹ لگتی ہے

مری آنکھوں میں آنسو کی طرح اک رات آ جاؤ

تکلف سے بناوٹ سے ادا سے چوٹ لگتی ہے

میں شبنم کی زباں سے پھول کی آواز سنتا ہوں

عجب احساس ہے اپنی صدا سے چوٹ لگتی ہے

تجھے خود اپنی مجبوری کا اندازہ نہیں شاید

نہ کر عہد وفا عہد وفا سے چوٹ لگتی ہے

دنیا کے پہلے AI-جنریٹڈ وزیر کی جانب سے البانیا میں پارلیمنٹ میں پہلا خطاب