سورج چندا جیسی جوڑی ہم دونوں
سورج چندا جیسی جوڑی ہم دونوں
دن کا راجہ رات کی رانی ہم دونوں
جگ مگ جگ مگ دنیا کا میلہ جھوٹا
سچا سونا سچی چاندی ہم دونوں
اک دوجے سے مل کر پورے ہوتے ہیں
آدھی آدھی ایک کہانی ہم دونوں
گھر گھر دکھ سکھ کا اک دیپک جلے بجھے
ہر دیپک میں تیل اور باتی ہم دونوں
دنیا کی یہ مایا کنکر پتھر ہے
آنسو شبنم ہیرا موتی ہم دونوں
چاروں اور سمندر بڑھتی چنتا ٔہے
لہر لہر لہراتی کشتی ہم دونوں
پربت پربت بادل بادل کرن کرن
اجلے پر والے دو پنچھی ہم دونوں
میں دہلیز کا دیپک ہوں آ تیز ہوا
رات گزاریں اپنی اپنی ہم دونوں
© 2025 Pakistanify Media - Navigating The World of Information
X
Language mode
- تازہ ترین خبریں
