image/svg+xml Openclipart Contact
No Result
View All Result

زندگی کیا ہے اک کہانی ہے
جون ایلیا

زندگی کیا ہے اک کہانی ہے

یہ کہانی نہیں سنانی ہے

ہے خدا بھی عجیب یعنی جو

نہ زمینی نہ آسمانی ہے

ہے مرے شوق وصل کو یہ گلہ

اس کا پہلو سرائے فانی ہے

اپنی تعمیر جان و دل کے لیے

اپنی بنیاد ہم کو ڈھانی ہے

یہ ہے لمحوں کا ایک شہر ازل

یاں کی ہر بات ناگہانی ہے

چلیے اے جان شام آج تمہیں

شمع اک قبر پر جلانی ہے

رنگ کی اپنی بات ہے ورنہ

آخرش خون بھی تو پانی ہے

اک عبث کا وجود ہے جس سے

زندگی کو مراد پانی ہے

شام ہے اور صحن میں دل کے

اک عجب حزن آسمانی ہے

Pakistanify News Subscription

X

© 2024 Pakistanify Media - Navigating The World of Information