image/svg+xml Openclipart Contact
No Result
View All Result

لمحے لمحے کی نارسائی ہے
جون ایلیا

لمحے لمحے کی نارسائی ہے

زندگی حالت جدائی ہے

مرد میداں ہوں اپنی ذات کا میں

میں نے سب سے شکست کھائی ہے

اک عجب حال ہے کہ اب اس کو

یاد کرنا بھی بے وفائی ہے

اب یہ صورت ہے جان جاں کہ تجھے

بھولنے میں مری بھلائی ہے

خود کو بھولا ہوں اس کو بھولا ہوں

عمر بھر کی یہی کمائی ہے

میں ہنر مند رنگ ہوں میں نے

خون تھوکا ہے داد پائی ہے

جانے یہ تیرے وصل کے ہنگام

تیری فرقت کہاں سے آئی ہے

Pakistanify News Subscription

X

© 2024 Pakistanify Media - Navigating The World of Information