image/svg+xml Openclipart Contact
No Result
View All Result

عقل گو آستاں سے دور نہیں
علامہ اقبال

عقل گو آستاں سے دور نہیں

اس کی تقدیر میں حضور نہیں

دل بینا بھی کر خدا سے طلب

آنکھ کا نور دل کا نور نہیں

علم میں بھی سرور ہے لیکن

یہ وہ جنت ہے جس میں حور نہیں

کیا غضب ہے کہ اس زمانے میں

ایک بھی صاحب سرور نہیں

اک جنوں ہے کہ با شعور بھی ہے

اک جنوں ہے کہ با شعور نہیں

ناصبوری ہے زندگی دل کی

آہ وہ دل کہ ناصبور نہیں

بے حضوری ہے تیری موت کا راز

زندہ ہو تو تو بے حضور نہیں

ہر گہر نے صدف کو توڑ دیا

تو ہی آمادۂ ظہور نہیں

ارنی میں بھی کہہ رہا ہوں مگر

یہ حدیث کلیم و طور نہیں

Pakistanify News Subscription

X

© 2024 Pakistanify Media - Navigating The World of Information