image/svg+xml Openclipart Contact
No Result
View All Result

شاخ پر خون گل رواں ہے وہی
فیض احمد فیض

شاخ پر خون گل رواں ہے وہی

شوخیٔ رنگ گلستاں ہے وہی

سر وہی ہے تو آستاں ہے وہی

جاں وہی ہے تو جان جاں ہے وہی

اب جہاں مہرباں نہیں کوئی

کوچۂ یار مہرباں ہے وہی

برق سو بار گر کے خاک ہوئی

رونق خاک آشیاں ہے وہی

آج کی شب وصال کی شب ہے

دل سے ہر روز داستاں ہے وہی

چاند تارے ادھر نہیں آتے

ورنہ زنداں میں آسماں ہے وہی

Pakistanify News Subscription

X

© 2024 Pakistanify Media - Navigating The World of Information