image/svg+xml Openclipart Contact
No Result
View All Result

اب نہیں سینے میں میرے جائے داغ
میر تقی میر

اب نہیں سینے میں میرے جائے داغ

سوز دل سے داغ ہے بالائے داغ

دل جلا آنکھیں جلیں جی جل گیا

عشق نے کیا کیا ہمیں دکھلائے داغ

دل جگر جل کر ہوئے ہیں دونوں ایک

درمیاں آیا ہے جب سے پائے داغ

منفعل ہیں لالہ و شمع و چراغ

ہم نے بھی کیا عاشقی میں کھائے داغ

وہ نہیں اب میرؔ جو چھاتی جلے

کھا گیا سارے جگر کو ہائے داغ

Pakistanify News Subscription

X

© 2024 Pakistanify Media - Navigating The World of Information