image/svg+xml Openclipart Contact
No Result
View All Result

تیر جو اس کمان سے نکلا
میر تقی میر

تیر جو اس کمان سے نکلا

جگر مرغ جان سے نکلا

نکلی تھی تیغ بے دریغ اس کی

میں ہی اک امتحان سے نکلا

گو کٹے سر کہ سوز دل جوں شمع

اب تو میری زبان سے نکلا

آگے اے نالہ ہے خدا کا ناؤں

بس تو نہ آسمان سے نکلا

چشم و دل سے جو نکلا ہجراں میں

نہ کبھو بحر و کان سے نکلا

مر گیا جو اسیر قید حیات

تنگنائے جہان سے نکلا

دل سے مت جا کہ حیف اس کا وقت

جو کوئی اس مکان سے نکلا

اس کی شیریں لبی کی حسرت میں

شہد پانی ہو شان سے نکلا

نا مرادی کی رسم میرؔ سے ہے

طور یہ اس جوان سے نکلا

Pakistanify News Subscription

X

© 2024 Pakistanify Media - Navigating The World of Information