image/svg+xml Openclipart Contact
No Result
View All Result

جب ہم کلام ہم سے ہوتا ہے پان کھا کر
میر تقی میر

جب ہم کلام ہم سے ہوتا ہے پان کھا کر

کس رنگ سے کرے ہے باتیں چبا چبا کر

تھی جملہ تن لطافت عالم میں جاں کے ہم تو

مٹی میں اٹ گئے ہیں اس خاکداں میں آ کر

سعی و طلب بہت کی مطلب کے تئیں نہ پہنچے

ناچار اب جہاں سے بیٹھے ہیں ہاتھ اٹھا کر

غیرت یہ تھی کہ آیا اس سے جو میں خفا ہو

مرتے موا پہ ہرگز اودھر پھرا نہ جا کر

قدرت خدا کی سب میں خلع العذار آؤ

بیٹھو جو مجھ کنے تو پردے میں منہ چھپا کر

ارمان ہے جنہوں کو وے اب کریں محبت

ہم تو ہوئے پشیماں دل کے تئیں لگا کر

میں میرؔ ترک لے کر دنیا سے ہاتھ اٹھایا

درویش تو بھی تو ہے حق میں مرے دعا کر

Pakistanify News Subscription

X

© 2024 Pakistanify Media - Navigating The World of Information