image/svg+xml Openclipart Contact
No Result
View All Result

جب سے خط ہے سیاہ خال کی تھانگ
میر تقی میر

جب سے خط ہے سیاہ خال کی تھانگ

تب سے لٹتی ہے ہند چاروں دانگ

بات عمل کی چلی ہی جاتی ہے

ہے مگر اوج بن عنق کی ٹانگ

بن جو کچھ بن سکے جوانی میں

رات تو تھوڑی ہے بہت ہے سانگ

عشق کا شور کوئی چھپتا ہے

نالۂ عندلیب ہے گلبانگ

اس ذقن میں بھی سبزی ہے خط کی

دیکھو جیدھر کنوئیں پڑی ہے بھانگ

کس طرح ان سے کوئی گرم ملے

سیم تن پگھلے جاتے ہیں جوں رانگ

چلی جاتی ہے حسب قدر بلند

دور تک اس پہاڑ کی ہے ڈانگ

تفرہ باطل تھا طور پر اپنے

ورنہ جاتے یہ دوڑ ہم بھی پھلانگ

میں نے کیا اس غزل کو سہل کیا

قافیے ہی تھے اس کے اوٹ پٹانگ

میرؔ بندوں سے کام کب نکلا

مانگنا ہے جو کچھ خدا سے مانگ

Pakistanify News Subscription

X

© 2024 Pakistanify Media - Navigating The World of Information