image/svg+xml Openclipart Contact
No Result
View All Result

دست و پا مارے وقت بسمل تک
میر تقی میر

دست و پا مارے وقت بسمل تک

ہاتھ پہنچا نہ پائے قاتل تک

کعبہ پہنچا تو کیا ہوا اے شیخ

سعی کر ٹک پہنچ کسی دل تک

درپئے محمل اس کے جیسے جرس

میں بھی نالاں ہوں ساتھ منزل تک

بجھ گئے ہم چراغ سے باہر

کہیو اے باد شمع محفل تک

نہ گیا میرؔ اپنی کشتی سے

ایک بھی تختہ پارہ ساحل تک

Pakistanify News Subscription

X

© 2024 Pakistanify Media - Navigating The World of Information