image/svg+xml Openclipart Contact
No Result
View All Result

مرا راز دل آشکارا نہیں
میر انیس

مرا راز دل آشکارا نہیں

وہ دریا ہوں جس کا کنارا نہیں

وہ گل ہوں جدا سب سے ہے جس کا رنگ

وہ بو ہوں کہ جو آشکارا نہیں

وہ پانی ہوں شیریں نہیں جس میں شور

وہ آتش ہوں جس میں شرارہ نہیں

بہت زال دنیا نے دیں بازیاں

میں وہ نوجواں ہوں جو ہارا نہیں

جہنم سے ہم بے قراروں کو کیا

جو آتش پہ ٹھہرے وہ پارا نہیں

فقیروں کی مجلس ہے سب سے جدا

امیروں کا یاں تک گزارا نہیں

سکندر کی خاطر بھی ہے سد باب

جو دارا بھی ہو تو مدارا نہیں

کسی نے تری طرح سے اے انیسؔ

عروس سخن کو سنوارا نہیں

Pakistanify News Subscription

X

© 2024 Pakistanify Media - Navigating The World of Information