image/svg+xml Openclipart Contact
No Result
View All Result

قرض نگاہ یار ادا کر چکے ہیں ہم
فیض احمد فیض

قرض نگاہ یار ادا کر چکے ہیں ہم

سب کچھ نثار راہ وفا کر چکے ہیں ہم

کچھ امتحان دست جفا کر چکے ہیں ہم

کچھ ان کی دسترس کا پتا کر چکے ہیں ہم

اب احتیاط کی کوئی صورت نہیں رہی

قاتل سے رسم و راہ سوا کر چکے ہیں ہم

دیکھیں ہے کون کون ضرورت نہیں رہی

کوئے ستم میں سب کو خفا کر چکے ہیں ہم

اب اپنا اختیار ہے چاہے جہاں چلیں

رہبر سے اپنی راہ جدا کر چکے ہیں ہم

ان کی نظر میں کیا کریں پھیکا ہے اب بھی رنگ

جتنا لہو تھا صرف قبا کر چکے ہیں ہم

کچھ اپنے دل کی خو کا بھی شکرانہ چاہیے

سو بار ان کی خو کا گلا کر چکے ہیں ہم

Pakistanify News Subscription

X

© 2024 Pakistanify Media - Navigating The World of Information