image/svg+xml Openclipart Contact
No Result
View All Result

دکھ نوشتہ ہے تو آندھی کو لکھا آہستہ
پروین شاکر

دکھ نوشتہ ہے تو آندھی کو لکھا آہستہ

اے خدا اب کے چلے زرد ہوا آہستہ آہستہ

خواب جل جائیں مری چشم تمنا بجھ جائے

بس ہتھیلی سے اڑے رنگ حنا آہستہ

زخم ہی کھولنے آئی ہے تو عجلت کیسی

چھو مرے جسم کو اے باد صبا آہستہ

ٹوٹنے اور بکھرنے کا کوئی موسم ہو

پھول کی ایک دعا موج ہوا آہستہ

جانتی ہوں کہ بچھڑنا تری مجبوری ہے

پر مری جان ملے مجھ کو سزا آہستہ

مری چاہت میں بھی اب سوچ کا رنگ آنے لگا

اور ترا پیار بھی شدت میں ہوا آہستہ

نیند پر جال سے پڑنے لگے آوازوں کے

اور پھر ہونے لگی تیری صدا آہستہ

رات جب پھول کے رخسار پہ دھیرے سے جھکی

چاند نے جھک کے کہا اور ذرا آہستہ

Pakistanify News Subscription

X

© 2024 Pakistanify Media - Navigating The World of Information