فن اگر روح و دل کی ریاضت نہ ہو
فن اگر روح و دل کی ریاضت نہ ہو
ایسی مسجد ہے جس میں عبادت نہ ہو
تیری آنکھوں میں ایسا سنور جاؤں میں
عمر بھر آئنوں کی ضرورت نہ ہو
کس کو نیلام کرتے ہو بازار میں
یہ کسی گھر کے مندر کی مورت نہ ہو
دل نوازی کے فن جاننا چاہئے
حسن چاہے بہت خوبصورت نہ ہو
دن تو نکلا خریدا ہوا آدمی
اے خدا رات بھی سب کی عورت نہ ہو
چھپروں پر دیے رکھ گئی ہے ہوا
تاکہ پھر روشنی کی شکایت نہ ہو
© 2025 Pakistanify Media - Navigating The World of Information
X
Language mode
- تازہ ترین خبریں
